Издавач Hermann Seibt, Meissen, Saxony, Germany

Првите разгледници од Битола се појавија во 1898 година и истите биле печатени во печатницата на Hermann Seibt од Meissen, Saxony. Hermann Seibt имаше најмногу акции во неговата компанија Kretzschmar & Schatz,, но тој, исто така, издаде разгледници од 1898 до 1920 година под име Gruss aus… (Поздрав од…) од Европа и Палестина под негово име. Разгледниците од Македонија од неговата серија Gruss aus Macedonien или Gruss aus Monastir се од 1898 година. Токму тие се првите разгледници од нашиот град кои се познати досега.
Разгледниците на Hermann Seibt од тој период се едни од најквалитетните по изработка, а и мотивите кои ги има одбрано заслужуваат високо признание. Се разбира дека во прв план е Широк Сокак и една секојдневна глетка на истиот.